DIKIR ANOK KELANTAN

Dikir Lagu Anok Kelantan Lyrics

Beruto bena ku jadi anok klate
tepat mlayu rama ore tino come-come
hute belana blh pakat tebe
dale-dale sungai pon banyok lagi ike

Duduk tok takut kito tok baloh
pitih pon cukup bare-bare muroh
nati ko ngatuk uh male bule ceroh
main daun terup takdok sapo nok maroh

*Mari-mari kito pakat wat kijo
bersatu hati dok kiro tuo mudo
bia negeri kito kayo rayo
nikmat tuhe bui kito jange lupo

Ado kijo bende ado tane tbaka
klaut mukat ike tok praih atah keda
mnoreh getoh ore ado cikgu krani pegawa
rakyat cari make takdok lagi hok lapa

Tanoh banyok lagi lek guo muse
kito tok tomok bagi sikit sore
hasil lembok mandi tanoh hute
bui ko anok cucu maso depe

Sbukuh nasik blauk te roko sgerik
baru sedak duduk kenye spagi terik
heret anok beruk paka baju carik
kain kilah rusuk basikal xdok brek

*Mari-mari kito pakat wat kijo
bersatu hati dok kiro tuo mudo
bia negeri kito kayo rayo
nikmat tuhe bui kito jange lupo

Poho kayu kaye tumboh hidup sega
duku mokte durie woh kedah jering peta
mesu lebe mede uh kandih jati cenga
akar buluh rote ambik la pakat jua

Beruto bena ku jadi anok klate
juruh peranga rama ore saye
sudoh terkenal sapa ke negeri ore
cari pitih panda kito tok suko brute

Napok comey bena maso naik kapa terbe
lekok-lekok sungai ado bukit tanoh lepe
bumi tok cema hok kito rakyat klate
bia la kekal smagat siti wan kembe

*Mari-mari kito pakat wat kijo
bersatu hati dok kiro tuo mudo
bia negeri kito kayo rayo
nikmat tuhe bui kito jange lupo
(repeat 3x )


Sumber : http://www.liriklagumuzika.com/2009/11/lirik-lagu-anok-kelantan-cikgu-sulizi.html#ixzz3Lo2nx0Eu